धरान/ नेकपा एमालेको आसन्न ११औँ महाधिवेशनका लागि सुनसरी क्षेत्र नं–१ बाट प्रतिनिधि छनोट शनिबार मतदानमार्फत सम्पन्न भएको थियो ।
सहमति नजुटेपछि तीन स्थानमा भएको मतदानबाट ५ जना प्रतिनिधि निर्वाचित भएका हुन्।
खुल्लातर्फ १० जनामध्ये मुरारी सुवेदी ७९६, जयकुमार राई ७७६ र आसाराम चौधरी ६७४ मतसहित विजयी बने। कोशी प्रदेशसभा सदस्य रमेशकुमार बस्नेतलाई ३७६ र विजयकुमार राईलाई ३९१ मत मात्र परेपछि उनीहरू पराजित भए।
महिलातर्फ २ सिटका लागि भएको प्रतिस्पर्धामा सीता भण्डारी पौडेल ७६६ र सुशिला पहाडी ढकाल ७१५ मतसहित प्रतिनिधिमा निर्वाचित भए। महिला मा ६ जना प्रतिस्पर्धी थिए।
युवातर्फ ३ जनाबीच भएको कडा प्रतिस्पर्धामा दिवस वान्तवा राई ८८७ मतले विजयी बने।
युवाहरूबीच सहमति गराउने क्रममा नै विवाद बढेर जिल्ला कमिटी सदस्य अनिल राजधामीमाथि कुटपिट भएको घटना पनि घटेको थियो।
