धरान/ धरानमा लागू औषध ओसार–पसार गर्दै गरिएको गस्ती निगरानीपछि प्रहरीले ठूलो परिमाणमा ट्रामाडोल र स्पास्पेनसहित एक युवकलाई पक्राउ गरेको छ।
साेमबार दिउँसो करिब ३ः३० बजे, धरान उप–महानगरपालिका–१४ स्थित पिण्डेश्वरी कलेज पछाडिको क्षेत्रमा लागू औषध कारोबार भइरहेको विशेष सूचनाका आधारमा अस्थायी प्रहरी पोस्ट विजयपुरबाट खटिएको प्रहरीले नियन्त्रण संचालन गरेको हो।
जाँच–पडतालका क्रममा धरान–१५ बस्ने २७ वर्षीय सनम लिम्बुको साथबाट ट्रामाडोल ३०० क्याप्सुल र स्पास्पेन २४० ट्याब्लेट फेला परेको प्रहरीले जनाएको छ। लागुऔषध तथा नियन्त्रित औषधीसहित पक्राउ परेका लिम्बुलाई तत्काल नियन्त्रणमा लिएर आवश्यक कारबाही तथा थप अनुसन्धानका लागि इलाका प्रहरी कार्यालय धरानमा बुझाइएको प्रहरीले जानकारी दिएको छ।
यस प्रकारको निगरानी र कारबाहीले धरानमा बढ्दो लागुऔषध दुरुपयोग नियन्त्रणमा प्रभावकारी योगदान पुग्ने अपेक्षा गरिएको छ।
