सुनसरी/ इनरुवा–४, पूर्व–पश्चिम राजमार्गस्थित इनरुवा पूर्व बस स्ट्यान्ड नजिक लागू औषध ओसार–पसार भइरहेको विशेष सूचनाका आधारमा प्रहरीले ठूलो परिमाणमा लागुऔषधसहित दुई जनालाई पक्राउ गरेको छ।
मंसिर ७ गते दिउँसो करिब २ बजे लागुऔषध नियन्त्रण ब्युरो विराटनगर र जिल्ला प्रहरी कार्यालय सुनसरीबाट खटिएको संयुक्त टोलीले सप्तरी राजगढ–३ का २९ वर्षीय दिलिप कुमार मण्डल र हनुमाननगर–६ का ২৩ वर्षीय शिवदत्त मण्डललाई पक्राउ गरेको हो।
चेकजाँच तथा खानतलासीका क्रममा दिलिप कुमार मण्डलको साथबाट दुई वटा बट्टाभित्र प्लास्टिकमा प्याक गरिएको अवस्थामा ब्राउनसुगर १०२ ग्राम र १०० ग्राम गरी कुल २०२ ग्राम लागुऔषध फेला परेको प्रहरीले जनाएको छ।
दुवैजनालाई आवश्यक कानुनी प्रक्रिया पूरा गरी जिल्ला प्रहरी कार्यालय सुनसरीमा अनुसन्धानका लागि राखिएको प्रहरीले जनाएको छ।
