_1693980289.gif "#")
झापा/धरानका एक ६५ वर्षीय पुरुषको झापाको गौरादहस्थित मानव उद्धार सेवा केन्द्रमा मृत्यु भएको छ।
मिति २०८२ साल असोज २९ गते दमक नगरपालिका–५ गोर्खा डिपार्टमेन्ट नजिकै वेवारिसे अवस्थामा फेला परेका सुनसरी, धरान घर भएका आनन्द राईलाई उद्धार गरी गौरादह नगरपालिका–५ महारानिझोडास्थित मानव उद्धार सेवा केन्द्रमा राखिएको थियो।
तर मिति २०८२ साल कार्तिक २६ गते साँझ करिब ४ बजेर ३० मिनेटको समयमा राई सुतेको अवस्थामा मृत फेला परेका हुन्।
प्रहरीका अनुसार मृतकलाई मुटु, लिभर, जण्डिसका समस्या थिए र केही समयअघि हर्नियाको अपरेशन समेत गरिएको बुझिएको छ।
घटनाबारे थप अनुसन्धानका लागि इलाका प्रहरी कार्यालय दमकका प्रहरी निरीक्षक नेतृत्वको टोली खटिएको थियो। प्रहरीले कानुनी प्रक्रिया पूरा गरी शव परीक्षणका लागि दमक अस्पताल पठाएको जनाएको छ।
