सुनसरी/ सुनसरीको भोक्राहा नर्सिङ गाउँपालिका–७ स्थित हुलाकी राजमार्गमा ट्रक र मोटरसाइकल एक आपसमा ठोक्किँदा एक जनाको मृत्यु भएको छ ।
मिति २०८२ कार्तिक २५ गते बिहान ११:४५ बजे सप्तरीबाट हरिनगरा तर्फ जाँदै गरेको प्रदेश १–०२–००१ ख ९२०७ नम्बरको ट्रक र विपरीत दिशाबाट आउँदै गरेको प्रदेश १–०२–०४१ प ४४३० नम्बरको मोटरसाइकल भुटाहा पुल नजिक ठोक्किँदा दुर्घटना भएको हो ।
दुर्घटनामा मोटरसाइकल चालक ३५ वर्षीय लक्ष्मण मेहता र पछाडि सवार करिब ४०–४५ वर्षीया रसिदा खातुन घाइते भएका थिए ।
उपचारका लागि बिराटनगरस्थित गोल्डेन अस्पताल पुर्याइएकोमा रसिदा खातुनलाई चिकित्सकले दिउँसो १:३० बजे मृत घोषणा गरेका छन् । चालक मेहताको उपचार भइरहेको प्रहरीले जनाएको छ ।
दुर्घटनामा संलग्न ट्रक चालक मोरङको ग्रामथान गाउँपालिका–५ बस्ने ३२ वर्षीय रमेश घमिरेलाई नियन्त्रणमा लिएर जिल्ला प्रहरी कार्यालय सुनसरीमा थप अनुसन्धान भइरहेको प्रहरीले जनाएको छ ।
