_1693980289.gif "#")
विराटनगर/ कोशी प्रदेशमा अवैध गाँजा खेती तथा प्राकृतिक रूपमा उम्रिएका गाँजाको बोट नष्ट गर्ने अभियान तीव्र बनेको छ।
प्रदेश प्रहरी कार्यालय विराटनगरको सुरक्षा सुनिश्चितता अभियानअन्तर्गत धनकुटा र भोजपुरका विभिन्न स्थानमा ठूलो मात्रामा गाँजाका बोट फडानी गरिएको छ।
कार्तिक ২৩ गते इलाका प्रहरी कार्यालय छिन्ताङबाट खटिएको टोलीले धनकुटा–शहीदभूमी गाउँपालिका–५ मा करिब ५ रोपनी क्षेत्रफलमा खेती गरिएको झण्डै १० हजार गाँजाका बोट फडानी गरी नष्ट गरेको जनाएको छ।
त्यस्तै, इलाका प्रहरी कार्यालय राजारानीले धनकुटा–चौबिसे गाउँपालिका–५ डाँडाखर्कमा करिब ३ रोपनी क्षेत्रफलमा रहेको करिब ४ सय गाँजाका बोट नष्ट गरेको हो।
यस्तै, भोजपुर जिल्लामा समेत प्रहरीको संयुक्त टोलीले हतुवागढी र आम्चोक गाउँपालिकाका विभिन्न वडा क्षेत्रमा रहेका करिब १० रोपनी जग्गामा फैलिएको १ हजार ५० वटा गाँजाका बोट फडानी गरी आगो लगाई नष्ट गरेको प्रहरी स्रोतले जनाएको छ।
प्रहरीका अनुसार प्रदेशभरि अवैध लागुऔषध उन्मूलनका लागि अभियान निरन्तर रूपमा जारी रहनेछ।
