_1693980289.gif "#")
सुनसरी/ सुनसरीको बर्जु गाउँपालिका–५, गोचाकामत टोलस्थित भित्री सडक खण्डमा लागू औषध ओसारपसार भइरहेको विशेष सूचनाका आधारमा शुक्रबार साँझ प्रहरीले ठूलो परिमाणको गाँजा बरामद गरेको छ।
शुक्रबार राति ८ बजेतिर इलाका प्रहरी कार्यालय दुहवी र इलाका प्रहरी कार्यालय सितागञ्जबाट खटिएको संयुक्त टोलीले उत्तरबाट दक्षिणतर्फ आइरहेको बागमती प्रदेश–०१–०२७च ०२४० नम्बरको सेतो स्कार्पियोलाई पछ्याउनेक्रममा नियन्त्रणमा लिन खोज्दा चालक सवारी साधन छाडेर फरार भएको थियो।
पछि प्रहरीले स्कार्पियो खोली चेकजाँच गर्दा कालो प्लास्टिकमा प्याक गरिएका ११ पोका गाँजा फेला परेको थियो, जसको तौल २५७.४५ किलोग्राम रहेको प्रहरीले जनाएको छ।
बरामद गरिएको स्कार्पियोसहितकाे लागूऔषध इलाका प्रहरी कार्यालय दुहवीमा राखी थप अनुसन्धान भइरहेको छ। फरार चालककाे खोजतलास पनि जारी रहेको प्रहरीले जनाएको छ।
