-तस्बिर झापाको मेचिनगर १२ मा अविरल वर्षा र हावाहुरीले क्षति गरेको धानबाली
सुनसरी/ कात्तिक १५ देखि १७ गतेसम्म परेको अविरल वर्षाले कोशी प्रदेशका किसानहरूका लागि ठूलो विपत्ति निम्त्याएको छ । प्रदेशका किसानको मुख्य आशा–अवलम्बन मानिने धानबालीमा ठूलो क्षति पुर्याएको छ। प्रदेश कृषि निर्देशनालय विराटनगरका अनुसार कोशी प्रदेशका १४ जिल्लामा करिब ५८ हजार टन धानबाली नष्ट भएको पुष्टि गरिएको छ।
निर्देशनालयकी प्रवक्ता पूर्णिमाया गुरुङका अनुसार १२ हजार ६ सय ३२ हेक्टर खेतमा लगाइएको धानबाली पूर्ण वा आंशिक रूपमा नष्ट भएको छ। उनीका अनुसार यतिबेला प्रदेशभरको कृषिमाथि परेको क्षति निकै गम्भीर देखिएको छ।
सबैभन्दा बढी क्षति झापामा पुगेको छ।
अन्य जिल्लाहरूमा पनि उल्लेख्य क्षति पुगेको निर्देशनालयले जनाएको छ—
उदयपुर (१,२९२ टन), खोटाङ (४५० टन), भोजपुर (७४० टन), इलाम (८९७.८ टन), धनकुटा (३८९.४ टन), पाँचथर (३४१.४१ टन), ओखलढुंगा (१९० टन), संखुवासभा (३१२.५ टन), सोलुखुम्बु (४०.९५ टन) र तेह्रथुम (३७२.०९ टन)।
कुल रूपमा हेर्दा अविरल वर्षा, बाढी र हावाहुरीले करिब २ अर्ब ५ करोड ४३ लाख ६७ हजार रुपैयाँबराबरको कृषि क्षति पुगेको छ, जसले यस वर्ष धान उत्पादन र किसानहरूको आयमा ठूलो असर पर्ने अनुमान गरिएको छ।
