भारत हुँदै नेपाल भित्र्याउँदै थिए हिरोइन, मेचीनगरमा समातिए युवक

झापा/ भारतबाट नेपालतर्फ हिरोइन भित्र्याउने क्रममा एक युवक झापामा प्रहरीले पक्राउ गरेको छ।

मंगलबार साँझ करिब ५ बजेतिर झापा जिल्ला मेचीनगर–६, मेचिपुल नजिक लागुऔषध नियन्त्रण ब्यूरो शाखा काँकरभिट्टाबाट खटिएको प्रहरी टोलीले शंका लागेपछि एक पैदल यात्रुलाई जाँच गरेको थियो।

जाँचका क्रममा सो युवकको साथबाट खैरो हेरोइन लिसाइला पदार्थ फेला परेको प्रहरीले जनाएको छ।

पक्राउ पर्ने व्यक्ति नुवाकोट किस्पाङ गाउँपालिका–३ का २७ वर्षीय रामबहादुर तामाङ रहेको खुलासा भएको छ। उक्त पदार्थलाई मान्यता प्राप्त डिजिटल तराजुमा नापजाँच गर्दा प्लास्टिकसहित १९ ग्राम ३८० मिलिग्राम र प्लास्टिक बाहेक १७ ग्राम २०० मिलिग्राम तौल भएको प्रहरीले बताएको छ।

तामाङलाई लागुऔषधसहित नियन्त्रणमा लिएर आवश्यक अनुसन्धान र कानूनी कारबाहीका लागि इलाका प्रहरी कार्यालय काँकरभिट्टामा राखिएको छ।

लागुऔषध नियन्त्रण ब्यूरोका अनुसार सीमाक्षेत्रमा पछिल्लो समय लागुऔषध ओसारपसारका घटना बढ्दै गइरहेकाले प्रहरीको नियमित अनुगमन र कडाइका अभियानहरू सञ्चालन भइरहेका छन्।