_1693980289.gif "#")
धरान/ नगर प्रमुख हर्क साम्पाङको पहलमा श्रमदानबाट बनेको भन्दै प्रचार गरिएको धरान–१० नारायणपथको ड्रेन निर्माणमा धरान उपमहानगरपालिकाबाट २३ लाख ८३ हजार ८६ रुपैयाँ ५८ पैसा खर्च भएको खुलासा भएको छ।
उप–प्रमुख अइन्द्र विक्रम बेघाले आइतबार सो निर्माण स्थलको अनुगमन गर्दै नगरपालिकाले गरेको खर्चको विस्तृत विवरण सार्वजनिक गरेका हुन्।
वडाध्यक्ष विवेक राईका अनुसार ड्रेन निर्माणका लागि नारायणपथका बासिन्दाले घर–घरबाट ७ हजार रुपैयाँका दरले सहयोग गरेका थिए। उनले देश–विदेशमा रहेका व्यक्तिहरूबाट पनि सहयोग रकम संकलन भएको बताए, तर ती रकमको हिसाब अझै सार्वजनिक गरिएको छैन।
श्रमदानका रूपमा ५६४ जना सहभागी भएको जनाइएको छ। सहभागीहरूले ज्याला नलिए पनि ‘खाजा खर्च’ शीर्षकमा छुट्टै रकम खर्च भएको बताइए पनि त्यसको विवरण भने खुलेको छैन।
उपमहानगरपालिकाले सार्वजनिक गरेको विवरणअनुसार,
सो ड्रेन निर्माण कार्यको अनुगमनमा उप–प्रमुख बेघासहित योजना प्रमुख वरिष्ठ इन्जिनियर सुरज श्रेष्ठ, योजना शाखाका किरण भुजेल, इन्जिनियर र अमिनहरू सम्मिलित टोली सहभागी थियो।
