झापा/ शिवसताक्षि नगरपालिका–९ बैसबारीस्थित माई खोलाको बीच भागमा एक पुरुषको शव फेला परेको छ ।
मिति २०८२ कार्तिक १० गते साँझ करिब ४ बजेर ५० मिनेट जाँदा खोलामा डुबेको अवस्थामा शव देखेपछि स्थानीयले इलाका प्रहरी कार्यालय झिलझिलेलाई खबर गरेका थिए ।
प्रहरीका अनुसार मृतकको पहिचान हालसम्म खुल्न सकेको छैन । उनको उमेर करिब ५५–५६ वर्षको रही, पहाडे मूलका मंगोलियन अनुहारका थिए ।
उनले कम्मरभन्दा मुनि मात्र कालो रङको ट्र्याकसुट लगाएका थिए ।
खबर पाएलगत्तै प्रहरी निरीक्षकको कमाण्डमा टोली घटनास्थल पुगेर शव उठाई कानुनी प्रक्रिया अघि बढाएको छ ।
स्थानीयका अनुसार शव पानीको बीच भागमा तैरिरहेको अवस्थामा देखिएको थियो । घटनाको कारणबारे प्रहरीले थप अनुसन्धान थालेको जनाएको छ ।
