धरानमा कार र मोटरसाइकल ठोक्किँदा दुई घाइते, कार चालक फरार

धरान/ सुनसरीको धरान उपमहानगरपालिका–१६ स्वस्तिका चौक नजिकको भीत्री सडकखण्डमा आईतबार राति कार र मोटरसाइकल एक–आपसमा ठोक्किँदा दुई जना घाइते भएका छन्।

मिती २०८२ कात्तिक ९ गते राति ९:५० बजे पूर्वबाट उत्तरतर्फ आउँदै गरेको बा २० च ५५४३ नम्बरको कार र विपरीत दिशाबाट आइरहेको प्रदेश १–०२–०५२ प ७९९७ नम्बरको NS मोटरसाइकल एकआपसमा ठोक्किँदा दुर्घटना भएको हो।

दुर्घटनामा मोटरसाइकल चालक धरान–८ का २७ वर्षीय अनिश राईको दायाँ हातमा चोट लागेको छ भने पछाडि सवार उनकी श्रीमती २७ वर्षीया सुवास्ना तामाङको दायाँ खुट्टा भाँचिएको प्रहरीले जनाएको छ।

दुवै जनालाई उपचारका लागि घोपा अस्पताल धरान लगिएको र उनीहरूको अवस्था अहिले सामान्य रहेको छ।

यस घटनापछि बा २० च ५५४३ नम्बरको कार चालक धरान–१६ का ५५ वर्षीय दयाराम राई घटनास्थलबाट फरार भएका छन्।

फरार चालकको खोजीकार्य भइरहेको इलाका प्रहरी कार्यालय धरानका प्रहरी नायब निरीक्षक बविन राईले जानकारी दिनुभयो।

दुर्घटनामा संलग्न दुवै सवारीसाधन प्रहरी नियन्त्रणमा रहेको र घटनाबारे थप अनुसन्धान भइरहेको प्रहरीले जनाएको छ।