धरान–११ मा ठूलो परिमाणमा लागू औषधसहित तीन जना पक्राउ

धरान/ धरानमा लागू औषध कारोबार भइरहेको विशेष सूचनाको आधारमा प्रहरीले ठूलो परिमाणमा ट्याब्लेटसहित तीन जनालाई नियन्त्रणमा लिएको छ।

इलाका प्रहरी कार्यालय धरानबाट खटिएको टोलीले धरान उप–महानगरपालिका–११ स्थित बिकाश परियारको घरमा सोमबार दिउँसो १ः२५ बजेतिर खानतलासी गर्दा Decolic ५०० ट्याब्लेट र Tramol ५०० ट्याब्लेट फेला पारेको हो।

उक्त घटनामा संलग्न रहेको आरोपमा प्रहरीले
१. धरान–११ का ३१ वर्षीय बिकाश परियार,
२. सोही स्थानका २२ वर्षीय विजय परियार, र
३. धरान–१७ का ३६ वर्षीय इन्द्र राई
लाई पक्राउ गरी थप अनुसन्धान अघि बढाएको इलाका प्रहरी कार्यालय धरानले जनाएको छ।

पक्राउ परेका तीनै जनामाथि लागू औषध नियन्त्रण ऐन अन्तर्गत मुद्दा दर्ता गरी आवश्यक अनुसन्धान भइरहेको प्रहरीले जानकारी दिएको छ।