धरान । सुनसरीको धरान उपमहानगरपालिका–६ सुनौलो बस्तीका २८ वर्षीय सुजन परियार आफ्नै कोठामा मृत फेला परेका छन्।
मंगलबार साँझ करिब ६:३० बजेतिर परियार आफ्नै घरको सुत्ने कोठामा मृत अवस्थामा रहेको खबर प्रहरीसम्म पुगेको थियो।
घटनाबारे सूचना प्राप्त हुनासाथ प्रजिअ पानबारीको प्रहरी टोली प्रहरी नायब निरीक्षक दिपेन्द्र अधिकारीको कमाण्डमा घटनास्थल पुगेर सुरक्षासहित अनुसन्धान प्रक्रिया सुरु गरेको जिल्ला प्रहरी कार्यालयले जनाएको छ।
यसैबीच, थप अनुसन्धान तथा कानुनी प्रक्रिया पूरा गर्न इलाका प्रहरी कार्यालय धरानबाट प्रहरी निरीक्षक कोमल ठाकुरको कमाण्डमा SOCO टोली खटिएको थियो।
प्रहरीका अनुसार मृतकको शव आवश्यक कानुनी प्रक्रिया सम्पन्न गरी राति करिब ७:४५ बजे पोष्टमार्टमका लागि बिपी कोईराला स्वास्थ्य विज्ञान प्रतिष्ठान, घोपातर्फ पठाइएको छ।
घटनाको कारणबारे अनुसन्धान भइरहेको प्रहरीले जनाएको छ।
