-तस्बिर झापाको चारआलीमा अवस्थित पाउ पाथीभरा देबी
काठमाडौं/ बडादसैँ अन्तर्गत नवरात्रिको छैटौँ दिन आज देशभर देवी कात्यायनीको पूजा–आराधना गरी मनाइँदै छ।
यधपी दिनका हिसाबले सातौ दिन भएता पनि तिथिकाे गडबडीले आज छैटौं दिनकाे पुजा आराधना गरिदैछ।
नवरात्रिको प्रत्येक दिन दुर्गा देवीका विभिन्न रूपहरूको पूजा गर्ने परम्परा छ।
आजको दिन शक्ति, साहस र दुष्ट शक्तिको विनाशको प्रतीक देवी कात्यायनीलाई समर्पित गरिएको छ। बिहानै स्नान गरी सफा वस्त्र धारण गरेर श्रद्धालुहरूले पूजा स्थलमा देवीको प्रतिमा वा तस्वीर स्थापना गरी पूजा गर्ने चलन रहेको छ।
धार्मिक विश्वासअनुसार देवी कात्यायनीको पूजा गर्ने व्यक्तिको मनोकामना पूरा हुन्छ, विवाहमा आउने बाधा हट्छ र आत्मबल वृद्धि हुन्छ। विशेष गरी विवाह योग्य कन्याहरूले आज देवीको पूजा गरी मनपर्ने वर प्राप्त हुने विश्वास लिई श्रद्धा अर्पण गर्ने गर्दछन्।
पूजामा देवीलाई पीँधुला फूल, फलफूल, मिठाई र विशेष गरी मह (शहद) अर्पण गरिन्छ। “ॐ देवी कात्यायन्यै नमः” मन्त्र जपेर आरती र वन्दना गर्ने परम्परा छ।
यसरी नवरात्रिको छैटौँ दिन भक्तजनहरूले देवी कात्यायनीको स्मरण गरी धर्म, शक्ति र समृद्धिको कामना गरेका छन्।
