_1693980289.gif "#")
धरान/ हिबिस्कस इङ्लिस बोर्डिङ स्कुल, धरान–१५ ले यस वर्ष खुल्ला हाजिरी जवाफ प्रतियोगिता आयोजना गर्ने भएको छ। विगतमा नगर र जिल्ला स्तरीय स्तरमा आयोजना गर्दै आएको स्कुलले यस पटक दायरा फराकिलो बनाउँदै खुल्ला रूपमा प्रतियोगिता गर्ने घोषणा गरेको हो।
पत्रकार सम्मेलनमार्फत जानकारी दिँदै स्कुलका सल्लाहकार पवन झा ले विद्यार्थीको बौद्धिक क्षमताको विकासलाई मुख्य लक्ष्य राखिएको बताए। उनका अनुसार २०७९ सालदेखि सुरु भएको ‘हिबिस्कस क्विज मेनिया’ यस पटक १ सय ५० भन्दा बढी विद्यालय सहभागी हुने अनुमान गरिएको छ।
कार्यक्रम संयोजक सुवास मोक्तानले पहिलो चरणमा १ सय प्रश्न रहने लिखित प्रतियोगिताबाट उत्कृष्ट ६ टिम छनोट गरी पुस १० गते फाइनल गरिने जानकारी दिए।
प्रतियोगितामा आकर्षक नगद पुरस्कार तथा ट्रफि, मेडल र प्रमाणपत्र रहनेछन्।
यसअघि पहिलो वर्ष हिबिस्कस स्कुलले नै उपाधि जितेको थियो भने दोस्रो वर्ष नेपाल पुलिस स्कुल र गत वर्ष पुनः हिबिस्कस स्कुल विजेता बनेका थिए।
प्रतियोगिता पुस ९ र १० गते हिबिस्कस स्कुलको प्राङ्गणमा हुनेछ।
