धरान/ भारतको कालेम्पोङमा सम्पन्न चौथो इन्डो–नेपाल कराते च्याम्पियनसिप २०२५ मा पदक विजेता बनेका आफ्ना विद्यार्थीलाई धरान–१२ स्थित सुनाखरी एकेडेमीले मंगलबार सम्मान गरेको छ।
सुनाखरीकी छात्रा वर्षा राईले प्रतियोगितामा दुई स्वर्ण पदक जित्दै बेस्ट फाइटर उपाधि हात पारिन्। त्यस्तै, चारु राईले एक स्वर्ण, र देम्चुङ तामाङले एक कास्य पदक प्राप्त गरे।
उनीहरुलाई विद्यालयका निर्देशक प्रदीप राई, प्रिन्सिपल मिलनकुमार राई र प्लस–टु को–अर्डिनेटर तपकुमार राईले अबिर र खदा लगाएर सम्मान गरेका थिए।
कार्यक्रममा बोल्दै प्रिन्सिपल राईले देश–विदेशका प्रतियोगितामा उत्कृष्ट नतिजा ल्याउने विद्यार्थीलाई नियमित सम्मान गरेर प्रोत्साहित गर्ने विद्यालयको लक्ष्य रहेको बताए।
