_1693980289.gif "#")
काठमाडौँ/असामान्य राजनीतिक परिस्थितिबीच पूर्वप्रधानन्यायाधीश सुशीला कार्कीलाई अन्तरिम सरकारको प्रमुख नियुक्त गर्ने सहमति जुटेको छ।
राष्ट्रपति रामचन्द्र पौडेलले कार्कीलाई आजै पदमा नियुक्त गर्ने र राति ९ बजे शपथ ग्रहण गराउने तयारी भएको राष्ट्रपतिका प्रेस सल्लाहकार किरण पोखरेलले जानकारी दिएका छन्।
यसअघि, नयाँ सरकार गठनका विषयमा छलफल गर्न कार्कीसहित जेनजी अभियन्ता तथा हामी नेपाल संस्थाका अध्यक्ष सुदन गुरुङ र अधिवक्ता ओम प्रकाश अर्याल शीतल निवास पुगेका थिए।
लामो छलफलपछि अन्तरिम सरकारको नेतृत्व कार्कीलाई दिने सहमति बने पनि संसद् विघटनबारे भने लामो छलफल भएको थियो । पोखरेलका अनुसार यो विषयमा कार्कीले शपथग्रहणपछि औपचारिक धारणा सार्वजनिक गर्नेछिन्।
भदौ २३ र २४ गतेको जेनजी आन्दोलनको व्यापक दबाबपछि तत्कालीन प्रधानमन्त्री केपी शर्मा ओलीले मंगलबार राजीनामा दिएका थिए। असामान्य परिस्थितिलाई मध्यनजर गर्दै राष्ट्रपतिले सोही दिन ओलीको राजीनामा स्वीकृत गरेका थिए।
