_1693980289.gif "#")
सुनसरी/ आज आइतबार भाद्र शुक्ल पूर्णिमाका दिन (सेप्टेम्बर ७) खग्रास चन्द्रग्रहण लाग्ने भएको छ।
नेपाल पञ्चाङ्ग निर्णायक विकास समितिका अध्यक्ष प्रा. श्रीकृष्ण अधिकारीका अनुसार ग्रहण राति १०:११ बजे स्पर्श, ११:१५ बजे सम्मीलन, ११:५६ बजे मध्य, १२:३८ बजे उन्मीलन र १:४१ बजे मोक्ष हुनेछ।
यो ग्रहणको खग्रास अवस्था १ घण्टा २३ मिनेट रहनेछ भने सम्पूर्ण अवधि ३ घण्टा ३० मिनेट रहनेछ। नेपाल, भारतसहित एसियाका धेरै देशबाट ग्रहणलाई सुरुदेखि अन्तसम्म अवलोकन गर्न सकिनेछ
ज्योतिषीय प्रभाव
ज्योतिषशास्त्रअनुसार ग्रहणले विभिन्न राशिमा फरक–फरक असर गर्ने बताइएको छ।
मिथुन, कर्कट, सिंह, तुला, वृश्चिक, मकर, कुम्भ र मीन राशिका मानिसहरूले ग्रहण हेर्नु नहुने बताइएको छ। विशेषगरी शतभिषा र पूर्वाभाद्रपदा नक्षत्रमा जन्म भएकाहरूलाई यो ग्रहणले बढी कष्ट दिने उल्लेख छ।
के गर्नु हुँदैन?
धार्मिक मान्यताअनुसार ग्रहणको केही घण्टा अगाडिदेखि नै सुतक लाग्छ।
वैज्ञानिक दृष्टिकोण
वैज्ञानिकहरूले भने चन्द्रग्रहण पूर्णतया हानिरहित भएको र यसलाई खुला आँखाले हेर्दा कुनै असर नपर्ने स्पष्ट पारेका छन्। बरु खगोलप्रेमी र विद्यार्थीका लागि यो दुर्लभ अवलोकन, अध्ययन र अनुसन्धानको अवसर हुने विज्ञहरूले बताएका छन्।
यसपछि फाल्गुन १९ गते मंगलबार फाल्गुन शुक्ल पूर्णिमामा अर्को खण्डग्रास चन्द्रग्रहण लाग्नेछ।
