_1693980289.gif "#")
धरान/ पछिल्लो समय सबै जातजातिले आफ्नो संस्कृतिलाई जीवन्तता दिन युवा पुस्तालाई हस्तान्तरण गर्ने अभियानलाई अगाडि बढाउदै गएका छन् ।
आफ्नो पीढि पश्चात पनि आफ्नो र्सँस्कृति नमारोस् भन्न अभिप्रायले युवा पुस्तालाई सिकाएर सँस्कृति सुम्पिने अभियानलाई निरन्तता दिन थालिएको हो ।
लिम्बु जातिमा साँस्कृतिक चाडपर्वमा चाहिने बाजामध्येको च्याब्रुङलाई युवा पुस्तासम्म पु¥याउन १० दिने च्याम्बुङ तालिमको आयोजना गरिएको छ । मेन्याङ्बो कल्याणकारी संघले पुस्तैदेखि प्रयोग हुदै आएको साँस्कृतिक बाजा च्याब्रुङलाई जीवन्तता दिन युवा पुस्तालाई प्रशिक्षण दिएको हो ।
लिम्बुजातिसँगै अन्य जातिको तालिममा सहभागिता रहेको छ । तालिममा सहभागी १ सय जनालाई प्रशिक्षक गोपुलाल फेम्साङ लिवाङले प्रशिक्षण दिएका थिए ।
च्याब्रुङ बजाउने तरिका, च्याबुुङ बजाउदा नाच्ने चालको तरिकासँगै यसकोे इतिहास र मुन्धुमको बारेमा पनि सिकाइएको थियो ।
स्थानीय सरकार धरान उपमहानगरपालिका १५ नं. वडा कार्यालयको १ लाख रुपैयाको सहयोगमा आयोजना गरिएको प्रशिक्षणको आयोजना भने मेन्याङवो कल्याणकारी संघ धरानले गरेको हो ।
सो अवसरम बोल्दै संघका अध्यक्ष नवीन मेन्याङवोले लिम्बू जातिको प्रमुख सांस्कृतिक बाजा सहितको नृत्य शैली नयाँ युवा पुस्तालाई हस्तान्तरण गर्नकै लागि च्याम्बुङ बजाउने र नाच्ने तालिम दिएको बताए ।
उनले लिम्बु सँस्कृति नेपालकै सँस्कृति भएकोले यसलाई सबैमाझ पु¥याएर व्यवसायिक रुपमा अगाडि बढाउनुपर्नेमा जोड दिए ।
जातीय कला, संस्कृति र परम्पराको संरक्षण संरक्षण, प्रवद्र्धन र पुस्तान्तरण गर्न १० दिने च्याब्रुङ नाच प्रशिक्षण आयोजना गरिएका र यो प्रभावकारी भएको बताए ।
यस्तै धरान उपमहानगरपालिका १५ नं. वडा कार्यालयका वडाध्यक्ष नरेश इवारमले साँस्कृतिक पर्वमा बजाइने बाजा दिनप्रतिदिन हराउदै गएको र महँंगो बन्दै गएको बेला प्रशिक्षणबाट उत्पादन भएकाहरुबाट सर्वसाधारणले सहज रुपमा उपलब्ध गराउन पाउने अवसर मिलेको बताए ।
उनले आगामी दिनमा पनि १५ नं. वडा समितिले सहयोग गर्ने प्रतिबद्धता जनाए ।
धरान वहुजाति बसोबास गर्ने सहरको रुपमा चिनिन्छ ।
यो प्रशिक्षणले धरानमा हुने सभा–सम्मेलनमा च्याब्रुङ नृत्यका लागि हुने माग हुने गरेको हुनाले यसले सहजता प्रदान गर्ने जनाइएको छ ।
संस्कार संस्कृति बाचे त्यस जातिको पहिचान जीवित रहने भएकोले साँस्कृतिक बाजा, पर्व, कलालाई युवा पुस्तालाई हस्तान्तरण गर्दै जाने प्रचलनले कुनै पनि जातिको पहिचान नामेट नहुने देखिएको छ ।
सबै जातजातिहरुले पहिचान स्थापित गर्न युवा पुस्तालाई हन्तारण गर्ने काममा लागि परेका छन् भने यसलाई स्थानीय सरकार धरान उपमहानगरपालिकाले समेत सहयोग पु¥याउदै आएको छ ।
