_1693980289.gif "#")
धरान/ नेकपा एमाले सुनसरी क्षेत्र नं. १ ले पार्टी केन्द्रको विधान महाधिवेशनको सन्दर्भमा सुझाव सङ्कलन गर्दैछ । सुनसरी क्षेत्र नम्बर १ मा पर्ने २७ वडालाई ३ समूहमा विभाजन गरी सुझाव सङ्कलन गरिंदैछ ।
धरान उपमहानगर कमिटी कार्यालयमा जारी सुझाव सङ्कलनमा धरान–१ देखि ७ नम्बर वडा र रामधुनी–६ र ७ नम्बर वडाको सहजीकरण पार्टीका कोशी प्रदेश कमिटी सदस्य योग्यराज खड्काको सहजीकरणमा भइरहेको छ ।
यस्तै धरान–८ देखि १४ र वराहक्षेत्र १ र २ नम्बर वडाको सहजीकरण पार्टीका कोशी प्रदेश कमिटी सचिवालय सदस्य जयकुमार राईको सहजीकरणमा भइरहेको छ ।
धरान–१५ देखि २० नम्बर वडा र वराहक्षेत्र ३ देखि ५ नम्बर वडाको सहजीकरण नेकपा एमाले कोशी प्रदेश कमिटी सचिवालय सदस्य रमेश बस्नेतको सहजीकरणमा भइरहेको छ ।
जारी सुझाव सङ्कलनका सन्दर्भमा विधान महाधिवेशनमा उमेर हदबन्दी र पूर्वराष्ट्रपति विद्यादेवी भण्डारीको सदस्यताको विषयमा छलफल भएको छ ।
पार्टीमा दोहोरो जिम्मेवारी दिन नहुने, पार्टी सदस्यता प्राप्त गर्ने प्रक्रिया, पार्टी पदाधिकारीमा महिलाको सङ्ख्या तोकिएरै आउनुपर्ने, पार्टी नेताका सम्पत्तिको रेकर्ड पार्टीले राख्नुपर्नेलगायतका मुद्दा सुझावका रुपमा उठेका छन् ।
क्षेत्रीय कमिटी संयोजक मीन सुब्बाको अध्यक्षतामा आयोजित सुझाव सङ्कलन कार्यक्रममा पार्टी केन्द्रीय सदस्य तथा सुनसरी इन्चार्ज मन्जु भण्डारीको प्रमुख आतिथ्यता रहेको क्षेत्रीय कमिटी सचिव हरि पौडेलले जानकारी दिए ।
