_1693980289.gif "#")
झापा/ झापामा पहिलो पटक विषालु मानिने राज गोमन (किङ कोब्रा) सर्प फेला परेको छ । बुद्धशान्ति गाउँपालिका–७, जरेवरस्थित स्थानीय रनबहादुर चेम्जोङको घरमा उक्त सर्प भेटिएको हो ।
सर्प उद्धारमा सक्रिय स्थानीय उद्धारकर्ता कृपेश कार्की, श्याम प्रधान र वीरेन्द्र तिवारीले सर्पलाई सुरक्षित रूपमा नियन्त्रणमा लिएका थिए । उद्धार गरिएको सर्पको तौल करिब ८.५ किलो र लम्बाइ १२.५ फिट रहेको थियो ।
जिल्ला वन कार्यालय भद्रपुरको समन्वयमा सर्पलाई बिर्तामोडको सामुदायिक वनमा पुर्नस्थापना गरिएको मेची वन्यजन्तु तथा चराचुरुङ्गी संरक्षण समाजका अध्यक्ष देवेन्द्र खरेलले जानकारी दिएका छन् ।
यसअघि झापामा राज गोमन सर्प फेला नपरेकोले यो पहिलो घटना मानिएको छ ।
