_1693980289.gif "#")
धरान/ भदौ ०५ गते धरानले हरके साल २०४५ सालको भुकम्पको स्मरण गर्दै विविध कार्यक्रम गरिन्छ ।
हरेक साल यो दिनलाई कालो दिनको रुपमा धरानले सम्झने गरेको छ । जुन दिन सन १९८८ वि.सं. २०४५ साल भदौ ५ गते विहान ५ बजे आएको विनाशकारी भूकम्पले धरान सहित सम्पूर्ण पूर्वाञ्चललाई ठूलो क्षति पुर्याएको थियो भने सवैभन्दा धेरै धरानमा धनजनको क्षति हुन पुग्यो ।
‘उदयपुर भूकम्प’ भनेर चिनिने यो भूकम्पको केन्द्र उदयपुर जिल्लामा रहेको भए पनि यसको ठुलो प्रभाव धरानमा पनि देखिएको थियो ।
त्यो वेला भूकम्पले देशभर ठुलो जनधनको क्षति गरेको थियो भने धरान नगर क्षेत्रका १ सय २२ जना मानिसले ज्यान गुमाएका थिए ।
भुकम्पबाट एक हजार ५सय जना घाइते भएका थिए । धरानमा त्यस बेला भूकम्पले निकै ठुलो क्षति पुर्याएको थियो । धरानको आवासीय क्षेत्रदेखि लिएर सार्वजनिक संरचनासम्म व्यापक क्षति पुर्याएको थियो । धरानमा सयौँ घर भत्किएका थिए भने अस्पताल, विद्यालय र सरकारी भवनमा समेत चिरा परेको थियो ।
धरानको इतिहासमै यो भूकम्पलाई ठूलो विपत्तिका रुपमा स्मरण गरिन्छ । यसले शहरमा सुरक्षित आवास र भूकम्प प्रतिरोधी संरचनाको महत्वबारे जनचेतना फैलाएको थियो । धरानको घण्टाघर परिसर भित्र २०४५ सालको भुकम्पमा परी मृत्यु भएकाहरुको सम्झनामा भूकम्प स्मारक बनाइएको छ ।
विहीबार धरानको भानुचौक स्थित घण्टाघर परिसरमा रहेको भुकम्प स्मारकमा धरान उपमहानगरपालिकाले दीप प्रज्वलन गरि यो दिनको स्मरण गरेका छन् ।
उपमहानगरका उप मेयर आइन्द्र विक्रम वेघा सहितका जनप्रतिनिधीहरु सचेतना कार्यक्रम गरि भदौ ५ लाई स्मरण गरेका हुन् ।
