-फाईल तस्बिर
धरान/ सुनसरीको धरान उप–महानगरपालिका–२०, ओशो पार्क नजिकैको जंगलबाट प्रहरीले ठूलो परिमाणको गाँजा बरामद गरेको छ।
आइतबार (आज) बिहान करिब ८ बजे विशेष सूचनाका आधारमा अस्थायी प्रहरी चौकी अमरहाटबाट खटिएको प्रहरी टोलीले पाँच जना व्यक्तिलाई नियन्त्रणमा लिएको हो।
इलाका प्रहरी कार्यालय धरानका अनुसार उनीहरूलाई कालो प्लास्टिकको बोरा भित्र ६ पोका पारेर राखिएको ७२ किलो (बहत्तर किलो) गाँजा फेला पारिएको थियो।
बरामद गरिएको लागू औषधसहित पक्राउ परेकाहरूलाई प्रहरीले आवश्यक अनुसन्धानका लागि इलाका प्रहरी कार्यालय धरानमा ल्याएको जनाएको छ।
नियन्त्रणमा परेका व्यक्तिहरूः
१. रुपेश राई (३० वर्ष), धरान–२०
२. मिलन राई (२८ वर्ष), धरान–२०
३. रञ्जित राई (२५ वर्ष), धरान–२०
४. प्रदीप राई (३४ वर्ष), मूल घर धनकुटा, सहिदभूमि–३ हाल इटहरी–१०
५. सन्तोष राई (३१ वर्ष), धरान–१३
प्रहरीले बरामद गाँजा र पक्राउ परेकाहरूमाथि थप अनुसन्धान भइरहेको जनाएको छ।
