सुनसरी /सुनसरी कारागारबाट फरार भएका कैदी रुपक पौडेल पक्राउ परेका छन् ।
जबरजस्ती करणी मुद्दामा सजाय भोगिरहेका खोटाङ दिप्रुङचुचुमा गाउँपालिका–२ का २८ वर्षीय पौडेललाई प्रहरीले झापाको बिर्तामोडबाट पक्राउ गरेको हो ।
मिति २०८२ साउन २८ गते पर्खाल नाघी कारागारबाट फरार भएका पौडेललाई विशेष सूचनाका आधारमा जिल्ला प्रहरी कार्यालय झापाबाट खटिएको टोलीले बिर्तामोड नगरपालिका–१०, विराटपोखरीमा लुकिछिपी बसिरहेको अवस्थामा ३१ गते बिहान करिब ६ बजे नियन्त्रणमा लिन सफल भएको हो ।
सुनसरी जिल्ला अदालतले पौडेललाई जबरजस्ती करणी कसूरमा १३ वर्ष कैद, पाँच लाख रुपैयाँ जरिवाना र तीस हजार क्षतिपूर्ति तिर्नु पर्ने सजाय तोकेको थियो ।
सजाय भोगिरहेको अवस्थामा कारागारबाट भागेका उनलाई पक्राउ गरी थप अनुसन्धान तथा कारबाहीका लागि जिल्ला प्रहरी कार्यालय सुनसरी पठाइने तयारी भइरहेको प्रहरीले जनाएको छ ।
