धरान/ कोशी प्रदेश सरकारले धरानको दीर्घकालीन खानेपानी आवश्यकता पूरा गर्ने उद्देश्यले निर्माण सम्पन्न गरेका ३ वटा खानेपानी इनारको आज संयुक्त अनुगमन गरिएको छ।
प्रदेश सरकारले सेउति खोलाको चारकोसे जंगल क्षेत्रमा निर्माण गरेका ती इनारहरूबाट दैनिक करिब ६० लाख लिटर शुद्ध पानी आपूर्ति हुने अनुमान गरिएको छ।
अनुगमन कार्यक्रमको क्रममा प्रदेशका माननीय सदस्यहरू, धरान उपमहानगरपालिकाका नगरप्रमुख हर्क साम्पाङ, उप–प्रमुख, प्रमुख प्रशासकीय अधिकृत, प्रदेश सिँचाइ मन्त्रालयका सचिव, खानेपानी मन्त्रालयका अधिकारी तथा धरान खानेपानी बोर्डका पदाधिकारीहरूको उपस्थिति रहेको थियो।
प्रदेश सरकारले निर्माण गरेका यी इनारहरूबाट धरानको खानेपानी अभाव घटाउने मात्र नभई, सुरक्षित र दीर्घकालीन आपूर्ति सुनिश्चित हुने अपेक्षा गरिएको छ। अनुगमनका क्रममा सरोकारवालाहरूले परियोजनाको महत्व र प्रभावकारी कार्यान्वयनका लागि आवश्यक थप कदमबारे सुझाव आदान–प्रदान गरेका थिए।
भिडियो:
