धरान/धरान–१२ स्थित सुनाखरी एकेडेमीले “चौथो अन्तरविद्यालयीय मेजर श्रवण कुमार लिम्बु स्मृति डिपोट बास्केटबल रनिङ कप–२०८२” मा उपाधि जितेका आफ्ना खेलाडीहरूलाई मंगलबार विशेष कार्यक्रमका बीच सम्मान गरेको छ।
एकेडेमीका कक्षा १० का विद्यार्थीहरूले सोमबार डिपोट सेकेन्डरी स्कुलको मैदानमा भएको फाइनल खेलमा शानदार जित हात पार्दै उपाधिसहित नगद २० हजार रुपैयाँ, ट्रफी र प्रमाणपत्र प्राप्त गरेका थिए।
स्कुल प्राङ्गणमा आयोजित सम्मान कार्यक्रममा प्रिन्सिपल मिलन कुमार राई, प्लस टु कोअर्डिनेटर तप कुमार राईलगायतले खेलाडीहरूलाई खदा र अबिर लगाई सम्मान गरे।
“विद्यार्थीहरूको मनोबल बढाउन तथा खेलकुदप्रतिको प्रेरणा जगाउन यो सम्मान कार्यक्रम आयोजना गरिएको हो,” — प्रिन्सिपल राईले बताए।
