धरान/धरानमा कोठा भाडामा लिएर लागू औषधको कारोबार गर्दै आएका दुई जना पक्राउ परेका छन्।
विशेष सूचनाको आधारमा इलाका प्रहरी कार्यालय धरान र अस्थायी प्रहरी पोस्ट बरगाछीबाट खटिएको संयुक्त टोलीले शनिबार साझ (मिति २०८२/०४/१७गते)धरान उपमहानगरपालिका–१५ स्थित एभरेष्ट लाइनमा रहेको भाडाको कोठामा छापा मारेको हो।
छापाका क्रममा ३६ वर्षीय हेम बहादुर तामाङ र २८ वर्षीय मिलन थापा मगर पक्राउ परेका छन्।
तामाङ धरान–५ का स्थायी बासिन्दा हुन् भने हाल धरान–१५ एभरेष्ट लाइनमा बस्दै आएका थिए। थापा भने धनकुटा घर भई हाल धरान–१६ मा बसोबास गर्दै आएका छन्।
प्रहरीले उनीहरूको कोठाबाट २,९१० क्याप्सुल ट्रामोल र २,९५० ट्याब्लेट डिकोलिक बरामद गरेको जनाएको छ।
दुबैलाई नियन्त्रणमा लिई धरानस्थित इलाका प्रहरी कार्यालयमा राखी थप अनुसन्धान भइरहेको प्रहरीले जनाएको छ।
