_1693980289.gif "#")
धरान/ सुनसरीको धरानमा प्रहरीले विशेष सूचनाका आधारमा ९ किलो गाँजासहित दुई युवकलाई पक्राउ गरेको छ।
साेमबार साँझ करिब ६:२० बजे अस्थायी प्रहरी चौकी अमरहाटबाट खटिएको प्रहरी टोलीले धरान उपमहानगरपालिका–१३ स्थित निशाने डाँडामा चेकजाँचको क्रममा राजारानीबाट धरानतर्फ आइरहेको को १ ख ६०९० नम्बरको बस रोकेर जाँच गर्दा बसको डिक्कीमा राखिएको कालो रंगको झोलाभित्र लुकाइछिपाई राखिएको ९ केजी लागूऔषध गाँजा फेला परेको प्रहरीले जनाएको छ।
सोधपुछका क्रममा उक्त झोला सुनसरीको ईटहरी उपमहानगरपालिका–७ बस्ने २४ वर्षीय सुरेश खत्वे र सोही उपमहानगरपालिका–८ बस्ने २० वर्षीय तुलसी पासवानको भएको खुलेको छ।
उनीहरूलाई लागूऔषधसहित नियन्त्रणमा लिई थप अनुसन्धानका लागि इलाका प्रहरी कार्यालय धरानमा ल्याइएको प्रहरीको भनाइ छ।
