धरानमा लागुऔषधसहित तीन जना पक्राउ, एक किशोरी पनि नियन्त्रणमा

धरान/ धरान ८ अरुण टोलबाट एक किशोरीसहित तीनजनालाइ लागू औषध सहित धरान प्रहरीले पक्राउ गरेको छ ।

प्रहरीले उनीहरुलाई सूचनाको अधारमा शनिवार राति करिब साढे १२ बजे पक्राउ गरेको हो ।

अस्थायी प्रहरी पोष्ट बरगाछीबाट खटिएको प्रहरी टोलीले प्रहरी सहायक निरीक्षक गोबिन्द दर्जीको नेतृत्वमा शकाको आधारमा धरान–८ वस्ने ३५ वर्षीय उज्वल तामाङको कोठामा छापा मारेको थियो ।

छापा मार्ने क्रममा तामाङको साथबाट प्रतिबन्धित लागुऔषध डाईजेपाम १६२ थान र डिकोलिन १६४ थान बरामद भएको धरान प्रहरीले जनाएको छ ।

यसैगरि प्रहरीले धरान–८ स्थित सभागृह आसपासमा वस्ने ३४ वर्षीय चन्द्र कुमार लिम्बुको साथबाट ट्रामाडोल ३ थान, डिकोलिन ४ थान र नाइट्राभेट ८ थान फेला परेको छ भने लिम्बुको कोठामा सँगै बस्दै आएकी १६ वर्षीया मनिषा मगरलाई समेत प्रहरीले नियन्त्रणमा लिएको छ ।

पक्राउ परेकाहरूलाई थप अनुसन्धानका लागि इलाका प्रहरी कार्यालय धरानका डिएसपी प्रकाश जवेगुले जानकारी दिए ।