धरान/धरान उपमहानगरपालिका–१५ स्थित विशाल चोकमा लागू औषध ब्राउन सुगरसहित दुई युवालाई प्रहरीले पक्राउ गरेको छ।
मिति २०८२ साल असार १९ गते साँझ ५:५५ बजे, अस्थायी प्रहरी पोष्ट बरगाछीबाट खटिएको प्रहरी टोलीले विशेष सूचनाको आधारमा चेकजाँच गर्ने क्रममा उनीहरूलाई पक्राउ गरेको हो।
पक्राउ पर्नेमा खोटाङ जिल्लाको दिक्तेल रुपाकोट मझुवागढी नगरपालिका–४ घर भई हाल धरान–१५, विशाल चोकमा बसोबास गर्दै आएका २६ वर्षीय कोवश राई र सोही स्थानका मनोहर श्रेष्ठका छोरा २१ वर्षीय बिशन श्रेष्ठ रहेका छन्।
चेकजाँचको क्रममा उनीहरूबाट लागू औषध ब्राउन सुगर जस्तो देखिने ०.४६० ग्राम (चार सय साठी मिलिग्राम) पदार्थ बरामद गरिएको प्रहरीले जनाएको छ।
पक्राउ परेका दुवैजनालाई थप अनुसन्धानका लागि इलाका प्रहरी कार्यालय धरानमा राखिएको छ।
