वीपी प्रतिष्ठानलाई छाता ऐनमा लैजान एमाले धरानको असहमति ,स्वायत्त विश्व विद्यालय बनाउन माग
- असार १०, २०८२
- कोशीपत्र/संवाददाता
धरान/ वीपी कोइराला स्वास्थ्य विज्ञान प्रतिष्ठान धरानलाई स्वायत्त विश्व विद्यालय बनाउन माग गरिएको छ ।
नेकपा एमाले धरान उमहानगरकमिटीले आज एक विज्ञप्ती जारी गर्दै नेपाल सरकारले देशैभरका प्रतिष्ठानलाई छाता ऐनमा लैजाने तयारी गरहेका बेला उक्त ऐनबाट धरानको वीपी प्रतिष्ठानलाई उक्त ऐनबाट हटाएर स्वायत्त विश्व विद्यालय बनाउनको लागि माग गरेको हो ।
पार्टी अध्यक्ष हर्कराज एभेङद्धारा जारी विज्ञप्तीमा भनिएको छ,‘वीपी प्रतिष्ठान नेपालमा नै प्रमाण पत्र तहको चिकित्सकीय अध्ययन गर्ने पहिलो प्रतिष्ठान हो।आज प्रतिष्ठान देशका लागि मात्र नभएर अन्राष्ट्रिय क्षेत्रमा पनि गुणस्तरीय चिकित्सक उत्पादन गर्ने तथा सेवा प्रवाह गर्ने अस्पतालको रुपमा चिनिन्छ,वीपी प्रतिष्ठान पुर्वी नेपालको इकोनममिक गन्तव्य हो ।’
विज्ञप्तीमा प्रतिष्ठानलाई स्वायत्तता विश्वविद्यालय बनाउन यस अघिका सरकारले समेत प्रतिवद्धता जनाएको अध्यक्ष एभेङद्धारा जारी विज्ञप्तीद्धारा सरकारलाई स्मरण समेत गराएको छ ।
अघिल्लो सरकारले छाता ऐनमा लैजाने भनेर तयारी गर्दा धरानवासीले विरोध समेत गरेका थिए ।
हालको सरकारले पनि प्रतिष्ठानलाई छाता ऐनमा लैजाने तयारी गरेको र कानुन मन्त्रालयले ऐन तयार पारेर स्वास्थ्य तथा जन संख्या मन्त्रालय पठाई सकेको छ ।
तर सरकारको यो कार्य पार्टी र धरानवासीको लागि कदामी मान्य नहुने भन्दै एमाले धरानले असहमति जनाएको छ।
विज्ञप्ती
_1693980289.gif "#")
