सुनसरीमा ब्राउन सुगरसहित सात जना पक्राउ!

सुनसरी/बिशेष सूचनाको आधारमा लागुऔषध नियन्त्रण ब्यूरो विराटनगर र इलाका प्रहरी कार्यालय लौकहीबाट खटिएको संयुक्त प्रहरी टोलीले सुनसरीको कोशी गाउँपालिका–१ स्थित विभिन्न स्थानमा छापा मार्दै २२.८१ ग्राम ब्राउन सुगरसहित ७ जनालाई नियन्त्रणमा लिएको छ।

प्रहरीका अनुसार विधिसम्मत खानतलासीको क्रममा फेला परेका लागुऔषधसहित स्कुटर प्रयोग गरी अबैध कारोबार गर्दै आएका व्यक्तिहरूलाई नियन्त्रणमा लिइएको हो।

पक्राउ परेकाहरूमध्ये केही स्कुटर चालक र सवार रहेको पाइएको छ। उनीहरूबाट निम्न परिमाणमा लागुऔषध बरामद भएको छ:

* अजय चौधरी (३३) — ईटहरी उपमहानगरपालिका–५, ब्राउन सुगर २.४७ ग्राम

* हिमाल मण्डल (१८) — कोशी गाउँपालिका–१, ब्राउन सुगर ३.२४ ग्राम

* करण मण्डल (१८) — कोशी गाउँपालिका–१, ब्राउन सुगर ३.२४ ग्राम

* दयानन्द यादव (२१) — कोशी गाउँपालिका–२, ब्राउन सुगर १.४० ग्राम

* बिवेक विश्वकर्मा (२७) — धरान उपमहानगरपालिका–१७, ब्राउन सुगर २.१५ ग्राम

* संगम राई (१८) — धरान उपमहानगरपालिका–१७, ब्राउन सुगर २.२३ ग्राम

* सिमसन राई (१८) — धरान उपमहानगरपालिका–१९, ब्राउन सुगर २.२३ ग्राम

* कौशल कालिकोटे (२२) — बराहक्षेत्र नगरपालिका–७, ब्राउन सुगर ६.५३ ग्राम

* याकुब राई — ठेगाना नखुलाइएको, ब्राउन सुगर ४.७९ ग्राम

प्रहरीका अनुसार पक्राउ परेका सबै व्यक्तिहरूलाई जिल्ला प्रहरी कार्यालय सुनसरीमा राखी थप अनुसन्धान भइरहेको छ। बरामद गरिएको कुल लागुऔषधको मात्रा २२.८१ ग्राम (बाईस ग्राम आठ सय दश मिलिग्राम) रहेको छ।

प्रहरीले लागुऔषध कारोबार र ओसारपसारमा संलग्नहरूलाई कानुनी दायरामा ल्याउने अभियानलाई अझ कडा रूपमा अघि बढाइएको जनाएको छ