_1693980289.gif "#")
-साङ्केतिक तस्बिर
पाँचथर/ पाँचथरको याङवरक गाउँपालिका–५ स्थित दाहाल गाउँमा श्रीमानको कुटपिटबाट श्रीमतीको मृत्यु भएको छ।
स्थानीय ४२ वर्षीय कृष्ण लिङ्देनले आफ्नी ४० वर्षीया श्रीमती सम्झना भट्टराईलाई गत वैशाख ३ गते बिहान घरायसी विवादका क्रममा कुटपिट गरेका थिए।
कुटपिटबाट गम्भीर घाइते भएकी सम्झनालाई तत्काल उपचारका लागि जिल्ला अस्पताल फिदिम लगिएको थियो। त्यहाँबाट थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा लगिएको थियो।
तर उपचारकै क्रममा आइतबार राति उनको मृत्यु भएको जिल्ला प्रहरी कार्यालय पाँचथरले जनाएको छ। मृतकको शव हाल सोही अस्पतालको शवगृहमा राखिएको छ।
घटनापछि आरोपी कृष्ण लिङ्देनलाई अस्पतालबाटै नियन्त्रणमा लिइ इलाका प्रहरी कार्यालय धरानमा राखिएको छ। घटनाबारे थप अनुसन्धान भइरहेको प्रहरीले जनाएको छ।
