गहुँगोरो वर्ण, कालो कपाल... शव फेला तर को हुन् उनी?

बराहक्षेत्र/२०८२ जेठ ४ — सुनसरीको बराहक्षेत्र नगरपालिका–१ चतरा स्थित बालसन्त आश्रमको पछाडिपट्टि कोसी नदीको भंगालोमा एक अज्ञात पुरुषको शव फेला परेको छ।

मिति २०८२ साल जेठ ४ गते साँझ करिब ६ बजे फेला परेको शव करिब ३५ देखि ४० वर्ष उमेरको पुरुषको भएको अनुमान गरिएको छ।

घटनास्थलमा इलाका प्रहरी कार्यालय चतरा र इलाका प्रहरी कार्यालय महेन्द्रनगरबाट प्रहरी टोली र अपराध स्थल अनुसन्धान (SOCO) टोली खटिइ आवश्यक कानुनी प्रक्रिया पूरा गरिएको प्रहरीले जनाएको छ।

शवको हुलिया:

• उचाइ: करिब ५ फिट ४ इन्च

• वर्ण: गहुँगोरो

• कपाल: कालो

• शरीर: मझौला

• अनुहार हेर्दा पहाडी मूलको जस्तो देखिने

हालसम्म मृतकको नाम, ठेगाना र पहिचान खुल्न सकेको छैन। प्रहरीले शवको पहिचान गर्न सहयोग गर्न आम नागरिकसमक्ष अनुरोध गरेको छ।

जानकारी भएमा सम्पर्क गर्न सकिने नम्बरहरू:

• जिल्ला प्रहरी कार्यालय, सुनसरी: ९८५२०९०१२७, ९८५२०४१०६४

• इलाका प्रहरी कार्यालय, धरान: ०२५–५७४५५५, ९८५२०९०१२६

यदि तपाईंले उक्त हुलिया अनुसारको व्यक्ति हराएको जानकारी पाउनुभएको छ भने नजिकको प्रहरी कार्यालय वा माथि उल्लेखित नम्बरहरूमा सम्पर्क गरी सहयोग गर्न प्रहरीले अनुरोध गरेको छ।