_1693980289.gif "#")
सन्देश तिम्सिना
दुबई । दुबईमा सम्पन्न फिनटेक सम्मेलन २०२५ मा दुबई नेपाली इन्फ्लुएन्सियल ग्रुपले सह– साझेदारको रूपमा गौरवपूर्ण सहभागिता जनाएको छ।
यो सम्मेलन संयुक्त अरब इमिरेट्सका उपप्रधानमन्त्री तथा अर्थमन्त्री महामहिम शेख मक्तूम बिन मोहम्मद बिन राशिद अल मक्तूमको संरक्षणमा आयोजित भएको थियो।
ग्रुपको सहभागिताले युएईमा रहेका नेपाली दक्ष व्यक्तिहरूको योगदानलाई अन्तर्राष्ट्रिय तहमा चिनाउन सहयोग पुगेको छ।
वित्तीय प्रविधि, नवप्रवर्तन र प्रविधिमैत्री भविष्यको निर्माणमा यो सहभागिता नेपाली समुदायका लागि एक प्रेरणादायी उपलब्धि मानिएको छ ।
समूहका संस्थापक मनोज महरट्टाले भने, “यो उपलब्धि नेपालीहरूको ऐक्यबद्धता, मेहनत र सम्भावनाको परिणाम हो।”
उनले दुबई नेपाली इन्फ्लुएन्सियल ग्रुपले आगामी दिनमा पनि नेपालीहरूको पहुँच र पहिचानलाई अन्तर्राष्ट्रिय मञ्चमा विस्तार गरिरहने पनि बताएका छन् ।
यस सहभागिताले प्रविधि, व्यवसाय र अन्तर्राष्ट्रिय सहकार्यमा नेपाली समुदायको भूमिकालाई अझ सशक्त बनाउने विश्वास गरिएको छ।
