_1693980289.gif "#")
सुनसरी/धरान उपमहानगरपालिका–१३ स्थित अमरहाट कृषि बजार नजिक एक व्यक्तिको घरबाट ठूलो परिमाणमा लागू औषध बरामद भएको छ।
गोप्य सूचनाका आधारमा खटिएको प्रहरी टोलीले मिति २०८२/०१/२४गते आज (बुधबार) दिउँसो करिब ३ः१० बजे ३० वर्षीय मिलन लिम्बुको घरमा छापा मारेको थियो।
घरमा खानतलासीका क्रममा प्रहरीले विभिन्न प्रकारका लागू औषधहरू फेला पारेर लिम्बुलाई नियन्त्रणमा लिएको हो।
इलाका प्रहरी कार्यालय धरानका अनुसार लिम्बुको घरबाट ट्रामाडोल हाइड्रोक्लोराइड ५० मिलिग्रामका ३,०९० क्याप्सुल, डाइसाइक्लोमिन हाइड्रोक्लोराइडका ३,०७० ट्याब्लेट, बुप्रेनोर्फिनका ४ एम्पुल, फेनिरामिन मालेएटका १७ एम्पुल र डाइजेपामका ९ एम्पुल बरामद गरिएको छ।
पक्राउ परेका लिम्बुलाई थप अनुसन्धानका लागि इलाका प्रहरी कार्यालय धरानमा राखिएको प्रहरीले जनाएको छ।
साथै घटनामा संलग्न अन्य व्यक्तिहरूको खोजी र उनीहरूको भूमिकाबारे अनुसन्धान भइरहेको बताइएको छ।
_Poush 22_1736170149.jpg "#")