धरान/ धरान–१७ स्थित खैरेनी टोलमा ठूलो परिमाणमा लागुऔषध गाँजा बरामद भएको छ।
लागूऔषध ओसारपसार भइरहेको भन्ने गोप्य सूचनाका आधारमा इलाका प्रहरी कार्यालय धरानबाट खटिएको प्रहरी टोलीले सो बरामद गरेको हो।
प्रहरी टोलीले बराहक्षेत्र नगरपालिका–१ को जंगल क्षेत्रमा शंकास्पद गतिविधि देखेपछि खोजतलास गर्दा प्लास्टिकमा प्याक गरिएको अवस्थामा ११ वटा पोका फेला परेको थियो।
ती पोखामा जम्मा ३३० केजी गाँजा रहेको इलाका प्रहरी कार्यालय धरानका डिएसपी प्रकाश जवेगूले जानकारी दिए।
उनका अनुसार गाँजा बोकिरहेका केही व्यक्ति प्रहरीलाई देखेपछि जंगलतर्फ भागेका थिए। फरार रहेका व्यक्तिहरुको खोजी तीव्र पारिएको प्रहरीले जनाएको छ।
