बिजनेस एक्स्पोको आय व्यय सार्वजनिक ५ करोडको कारोबार,दुई लाख ५८ हजार बढी बचत

धरान। सुनसरीको धरानमा नेपाल उद्योग तथा व्यवसायी महासंघ धरानले आयोजना गरेको १५ दिने विजनेस एक्स्पो २०८१ को आय व्यय सार्वजनिक गरेको छ ।

विहीबार महासंघले पत्रकार सम्मेलन गरि आय व्यय सार्वजनिक गरेको हो । आयोजक महासंघका अध्यक्ष शिवराज श्रेष्ठले पत्रकार सम्मेलनमा एक्स्पो अवधिभरी ५ करोड बराबरको कारोबार भएको बताए । श्रेष्ठले भने,“एक्स्पो अवधीभरीमा आम्दानी तर्फ रकम ६९ लाख ३२ हजार ५७० रुपैयाँ आय भएकोमा खर्च कटाएर कुल २ लाख ५८ हजार ८८५ रुपैयाँ बचत भएको आयव्यय पत्रकार सम्मेलनमा सार्वजनिक गरिएको छ ।

आयमा सबैभन्दा बढी गेट टिकटबाट कुल ३१ लाख ४९ हजार ५७० रुपैयाँ सङ्कलन भएको छ भने प्रदेश सरकारबाट १० लाख, स्टल भाडाबाट ५ लाख ७२ हजार, रोटे पिङबाट २ लाख सङ्कलन भएको थियो ।सहयोग स्वरूप उद्योग वाणिज्य आपूर्ति मन्त्रालयबाट ३ लाख ५० हजार, ग्लोबल आइएमई बैङ्कबाट ३ लाख, गोर्खा ब्रुअरी २ लाख, उद्योग व्यवसायी महासङ्घ २ लाख, सिल्भर ओकबाट १ लाख ५० हजार, र नेपाल पर्यटन बोर्ड, रमपम, सेञ्चुरी, पिएलओ, डिभाइन वाइनबाट १÷१ लाख रुपैयाँ प्राप्त भएको श्रेष्ठले बताए ।

कार्यक्रम अवधिभरी सबै भन्दा बढी साङ्गीतिक÷सांस्कृतिक कार्यक्रममा कुल ४२ लाख ४१ हजार ५०० सय रुपैयाँ भएको जनाइएको छ ।एक्स्पोका मुख्य आकर्षणमा जुत्ता व्यापार मेला, महिला हस्तकलाका सामग्री, बाल नृत्य प्रतियोगिता, राष्ट्रिय तथा स्थानीय कलाकारहरूको सांगीतिक प्रस्तुति, बाल उद्यान, र विविध परिकारका स्टल रहेका थिए।

स्थानीय पर्यटन प्रवद्र्धनसँगै व्यवसाय प्रवाहमा समेत टेवा पु¥याउने उद्देश्यले आयोजना गरिएको उक्त एक्स्पोको प्रमुख प्रवद्र्धक भ्रमण वर्ष २०८२, कोशी प्रदेश थियो भने कृषि, उद्योग तथा सहकारी मन्त्रालय, कोशी प्रदेश विशेष सहयोगीका रूपमा सहभागी थियो।
एक्स्पोले धरानको शिथिल बनेको व्यापारलाई चलायमान बनाउन, स्वदेशी उत्पादनको बजार विस्तार गर्न र उपभोक्तालाई सुलभ मूल्यमा सामग्री उपलब्ध गराउन महत्त्वपूर्ण भूमिका खेलेको निष्कर्ष आयोजक महासंघका सचिव चन्द्र सुवेदीले बताए ।