_1693980289.gif "#")
धरान/खेलकुदको सहर धरानमा वक्सिङ खेलको प्रवर्द्धन र नयाँ प्रतिभा उत्पादन गर्ने उद्देश्यले ‘धरान फाइट नाइट २०२५’ प्रतियोगिता हुने भएको छ।
नयाँ वर्ष २०८२ वैशाख १२ गते शुक्रबार धरान बक्सिङको आयोजनामा यो राष्ट्रियस्तरको प्रतियोगिता हुन लागेको हो।
धरान बक्सिङका अध्यक्ष दिपक राईका अनुसार प्रतियोगिता पहिलोपटक राष्ट्रियस्तरमा आयोजना गर्न लागिएको हो।
बुधबार (आज)धरान–१२, चतरालाईनस्थित होटल गोर्खामा आयोजित पत्रकार सम्मेलनमार्फत उनले प्रतियोगिता बारे जानकारी गराएका हुन्।
प्रतियोगितामा प्रोफेसनल (प्रो) र एमेचर दुई विधामा खेलाडीहरुले प्रतिस्पर्धा गर्नेछन्।
कोशी प्रदेश अन्तर्गत धरान, धनकुटा, झापा र उदयपुरबाट प्रो खेलाडीहरु सहभागी हुनेछन् भने गण्डकी प्रदेशको पोखरा र बाग्मती प्रदेशको काठमाडौंबाट पनि प्रतिस्पर्धी खेलाडी आउनेछन्।
एमेचर विधामा भने धरान, धनकुटा, उदयपुर र झापाका खेलाडीले सहभागिता जनाउनेछन्।
‘फाइट नाइट’ मा महिला र पुरुष दुवै राष्ट्रिय स्तरका खेलाडीबीच प्रदेशस्तरीय प्रतिस्पर्धा पनि हुने आयोजकले जानकारी दिएको छ।
