_1693980289.gif "#")
धनकुटा/ धनकुटाबाट लागुऔषध गांजा सहित दुई जना महिला पक्राउ परेका छन् ।
पक्राउ पर्नेमा जिल्लाको सहिदभूमि गांउंपालिका ७ का ४९ बर्षिया सीता कार्की र सोही स्थानका ४२ बर्षिया ईन्दिरा राई रहेका छन् ।
इलाका प्रहरी कार्यालय भेडेटारबाट खटिएको टोलीले आज बिहान १०ः३० बजे सांगुरीगढी ६ भेडेटारमा अखुवादेखि धरान जाँदैगरेको प्र१–०२–००१ ख ८५२९ नम्बरको यात्रुबाहक बसलाई जाँच गर्ने क्रममा बसमा सवार कार्कीको झोलामा १० किलो लागुऔषध गांजा फेला परेपछि निजलाई गाँजासहित नियन्त्रणमा लिइएको हो ।
त्यसैगरि सोही ठाउँमा चेकिङ्गकै क्रममा मगलबार ११ः२० बजे अखुवादेखि धरान जाँदै गरेको प्र१–०२–००२ ज ४३३८ नम्बरको यात्रुबाहक बोलेरो जीपमा सवार राईको झोलाबाट १० किलो लागुऔषध गाँजा फेला परेपछि गांजा सहित नियन्त्रणमा लिइएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
पक्राउ परेकाहरुको थप अनुसन्धान भइरहेको प्रहरीले जनाएको छ ।
