_1693980289.gif "#")
झापा/ कोशी प्रदेशका तीन जिल्लामा लागुऔषध कारोबारमा संलग्न सात जना व्यक्तिहरू प्रहरीको नियन्त्रणमा परेका छन्।
झापा, मोरङ र सुनसरीका विभिन्न स्थानहरूबाट ब्राउन सुगरसहित उनीहरूलाई पक्राउ गरिएको हो।
गोप्य सूचनाको आधारमा झापा प्रहरीले गौरादह नगरपालिका–४ का २३ वर्षीय उमेश भन्ने उमेश परियारलाई उनकै घरबाट २ ग्राम ब्राउन सुगरसहित पक्राउ गरेको छ।
साथै, गौरादह–२ का २४ वर्षीय आर्थिकज भारतीलाई पनि उक्त कारोबारमा संलग्न रहेको आरोपमा नियन्त्रणमा लिएको हो।
त्यस्तै, लागुऔषध नियन्त्रण ब्युरो विराटनगरको टोलीले मोरङको बेलबारी नगरपालिका–८ का २८ वर्षीय मिलन थापा र ३९ वर्षीय के कुमार मगरलाई २।६० ग्राम ब्राउन सुगरसहित पक्राउ गरेको जनाएको छ।
सुनसरी जिल्लाको लौकही इलाका प्रहरी कार्यालयले भारतबाट नेपाल फर्कने क्रममा चेकजाँच गर्दा मकवानपुरको हेटौंडा उपमहानगरपालिका–११ का ३२ वर्षीय राजेश लामा र २१ वर्षीय समीर क्षेत्रीलाई १.४७ ग्राम ब्राउन सुगरसहित नियन्त्रणमा लिएको हो।
यस्तै, मोरङको केरावारी गाउँपालिका–१० का ३१ वर्षीय तेजबहादुर तामाङ र केरावारीकै २७ वर्षीया फुलमाया लिम्बुलाई पनि १.८८ ग्राम ब्राउन सुगरसहित पक्राउ गरिएको प्रहरीले जनाएको छ।
पक्राउ परेकाहरूविरुद्ध लागुऔषधसम्बन्धी मुद्दा दर्ता गरी थप अनुसन्धान भइरहेको जिल्ला प्रहरी कार्यालयहरूद्वारा जानकारी दिइएको छ।
