इटहरीको आगलागि ६ घण्टापछि नियन्त्रणमा ११ जनाको सकुसल उद्धार,दुई जनाको पहिचान खुल्न बाँकी

सनुसरी । बुधबार विहानदेखि इटहरीको सेन्ट्रल प्लाजामा लागेको आगो ६ घण्टापछिको लामो प्रयासपछि दिउँसो मात्रै नियन्त्रणमा आएको छ ।
आगलागीको कारण भने खुल्न नसकेको र क्षतीको बिवरण संकलन भैरहेको इलाका प्रहरी कार्यलय इटहरीका प्रहरी नायब उपरिक्षक लक्ष्मी भण्डारीले बताए ।

प्लाजाको पाँचौँ र छैटौँ तलामा बिहान साढे ९ बजे देखी लागेको भएको थियो । आगलागी नियन्त्रणका लागि झापा, मोरङ र सुनसरीका विभिन्न स्थानीय तहका एक दर्जनबढी स्थानीय तहका दमकल प्रयोग गरिएको थियो भने नेपाली सेना, सशस्त्र र जनपथ प्रहरी गरी ३ सय ५० जनाभन्दा बढी सुरक्षाकर्मी खटिएका थिए । आगलागी भएपछि उक्त भवनमा फसेका ११ जनाको उद्धार गरिएको थियो ।

प्लाजाको बिभिन्न तलामा फसेका ८ पुरुष र तीन महिला गरी ११ जनाको सकुशल उद्धार गरिएको थियो । तीन जनाको काठमाडौँबाट आएको नेपाली सेनाको हेलिकप्टरबाट उद्धार गरेको हो ।
आगलागी भएको भवनमा होटेल, सिनेमा हल, बैङ्क, सुपर मार्केट, कपडाका पसल, मोबाइल तथा इलेकट्रोनिक्स ठुला पसलहरू सञ्चालनमा रहेका छन ।

उद्धार गरिएकाहरुको नामावली ः
१. मेरिका राई (२३ वर्ष) – भोजपुर, आम चोक
२. लक्ष्मी श्रेष्ठ (२६ वर्ष) – कैलाली
३. विजय धामी (२६ वर्ष) – सुनसरी, वराहक्षेत्र
४. विष्णु तामाङ – काभ्रे (उमेर खुल्न बाँकी)
५. ःम् व्ब्थ् – बङ्गलादेश (उमेर खुल्न बाँकी)
६. सञ्जय जैसवाल (४४ वर्ष) – धनुषा, कमला ९
७. दिया राय (२४ वर्ष) – मोरङ, विराटनगर–१५ – इटहरी अस्पतालमा उपचाररत
८. विशाल सिंह (२८ वर्ष) – (दिया रायका श्रीमान्) – इटहरी अस्पतालमा उपचाररत
९. आशिष चौधरी (२४ वर्ष) – सुनसरी, रामधुनी–७ – इटहरी अस्पतालमा उपचाररत ।
अन्य २ जनाको नाम खुल्न नसकेको प्रहरीले बताएको छ ।