_1693980289.gif "#")
धरान/ गोधुली रनिङ कप फुटबल प्रतियोगिता अन्तर्गत आज पहिलो खेलमा १७ नं. वडा र २० नं. वडाबीच प्रतिस्पर्धा हुनेछ भने दोस्रो खेलमा ४ नं. वडा र १३ नं. वडाले आमनेसामने हुनेछन् ।
रात्रिकालीन प्रतियोगिताका यी खेलहरूमध्ये पहिलो खेल साँझ ५:३० बजे र दोस्रो खेल साँझ ७:३० बजे सुरु हुनेछ ।
यसअघि सोमबार सम्पन्न खेलमा १८ नं. वडा र ११ नं. वडा विजयी भएका छन् । १८ नं. वडाले १९ नं. वडालाई टाइब्रेकरमा ३–२ ले पराजित गर्दै प्रि-क्वाटर फाइनलमा स्थान सुरक्षित गरेको थियो ।
निर्धारित समयमा खेल २–२ को बराबरीमा सकिएको थियो ।
खेलको २३औं मिनेटमा १८ नं. वडाका प्रबल राईले गोल गर्दै अग्रता दिलाए पनि पहिलो हाफको इन्जुरी समयमा १९ नं. वडाका प्रमेश राईले गोल फर्काउँदै खेल बराबरी गरे ।
६१औं मिनेटमा अतित राईको गोलले १९ नं. वडा पुनः अग्रता लिन सफल भयो । तर दोस्रो हाफको इन्जुरी समयमा १८ नं. वडाका सौनक श्रेष्ठले गोल गर्दै खेललाई टाइब्रेकरमा पुर्याए ।
टाइब्रेकरमा १८ नं. वडाका निकेन राई, सौनक श्रेष्ठ र रोशन उराउले गोल गरेका थिए भने १९ नं. वडाबाट सनम लिम्बू र इन्सन राईले मात्रै गोल गर्न सके ।
१९ नं. वडाका आयाम राई, अभिषेक राई र नाम्बाहाङ लिम्बूको प्रहार १८ नं. वडाका गोलकिपर धिरज बस्नेतले रोकेका थिए । बस्नेत खेलको ‘म्यान अफ द म्याच’ घोषित भए ।
त्यस्तै, सोमबारकै दोस्रो खेलमा ११ नं. वडाले ३ नं. वडालाई ३–१ ले पराजित गर्दै प्रतियोगिताको प्रि-क्वाटर फाइनलमा स्थान बनायो ।
खेलको छैठौं मिनेटमा युनिक लिम्बूको गोलबाट ३ नं. वडाले अग्रता लिएको थियो ।
तर, पहिलो हाफ उत्कृष्ट खेले पनि दोस्रो हाफमा ३ गोल खाँदै पराजित हुन पुग्यो । ११ नं. वडाका पवन राईले दुई तथा प्रविण राईले एक गोल गरे । पवन राई खेलको ‘म्यान अफ द म्याच’ घोषित भए ।
प्रतियोगिताबारे जानकारी:
चैत्र २१ गतेसम्म सञ्चालन हुने प्रतियोगितामा धरानका १८ वटा वडा सहभागी छन् ।
२ नं. वडा र ७ नं. वडाले प्रतियोगितामा सहभागिता जनाएका छैनन् । प्रतियोगिताको विजेताले १ लाख ५० हजार रुपैयाँ र उपविजेताले ७५ हजार रुपैयाँ नगद पुरस्कार प्राप्त गर्नेछन् ।
क्वाटर फाइनलसम्म पुग्ने टिमले स्व. सुवास राई स्मृति सुपर ८ प्रतियोगितामा खेल्ने अवसर पाउने गोधुली क्लबका उपाध्यक्ष सतिस केसीले जानकारी दिए ।
_Poush 22_1736170149.jpg "#")
_1734253975.jpg "#")
