-- फाइल तस्बिर
धरान/ बीपी कोइराला स्वास्थ्य विज्ञान प्रतिष्ठान धरानमा जुम्ल्याहा बच्चाको गर्भमै चिकित्सकको लापारवाहीका कारण मृत्यु भएको आरोप आफन्त जनले लगाएका छन् ।
प्रतिष्ठानमा धरान १५ की ३० बर्षीया सबिना श्रेष्ठको जुम्ल्याहा बच्चा गर्भमै चिकित्सकको लापारवाहीका कारण मृत्यु भएको आरोप आफन्तजनले लगाएका हुन् ।
सुत्केरी व्यथाले थलिएपछि चिकित्सकको सल्लाह बमोजिम श्रेष्ठ शुक्रबार अस्पताल भर्ना भएकी थिएन् ।
शनिबार अस्पतालमा उनको जुम्ल्याहा बच्चा मध्ये एउटा बच्चा गर्भमा एउटा वच्चाको मृत्यु भएको भने्र चिकित्सकले बताएका थिए भने अर्को बच्चा ज्यूँदै रहेको भनी अप्रेसन गरेका थिए ।
तर अप्रेसन गर्दा पेटमा दुवै बच्चा मृत्यु भएको चिकित्सकले बताएपछि आफन्तले आक्रोस व्यक्त गर्दै अस्पताल परिसरमा आफन्तजनले नारावाजी सहित असन्तुष्टि जनाएर न्याय दिन माग गरेका थिए ।
उक्त घटनाका संवन्धमा आइतबार पीडित पक्ष र अस्पताल प्रशासनबीच छ्लफल गरेर छानबिन समिति गठन गर्ने सहमति भएको थियो भने आज सोही अनुसार छलफल भईरहेको छ ।
