_1693980289.gif "#")
तस्बिर :धरान १६ स्थित नवाेदय विध्यामन्दिर सेकेन्डरी स्कुलका (एस ईई)मा सभागि बिध्यार्थिहरु सामुहिक तस्बिर खिच्दै
विराटनगर/ माध्यमिक शिक्षा परीक्षा (एसईई) आजदेखि देशभर सुरु भएको छ। कोशी प्रदेशबाट मात्रै ८० हजार ९३४ विद्यार्थी परीक्षा दिँदै छन्। परीक्षाका लागि प्रदेशभर ३७१ परीक्षा केन्द्र तोकिएका छन्।
एसईईको पहिलो दिन बिहीबार अनिवार्य अंग्रेजी, संस्कृत, अरेबिक, तथा संस्कृत भाषा र साहित्यको परीक्षा सञ्चालन भइरहेको छ। परीक्षा चैत १९ गतेसम्म जारी रहनेछ।
शिक्षा विकास निर्देशनालय धनकुटाका निर्देशक कृष्णप्रसाद पोखरेलका अनुसार परीक्षा प्रभावकारी, व्यवस्थित, मर्यादित, र पारदर्शी बनाउन सबै तयारी पूरा गरिएको छ।
उनले परीक्षाका क्रममा हुनसक्ने अनियमितता, जालसाजी, र अव्यवस्थालाई न्यून गर्न सरोकारवालाहरू सक्रिय रहेको जानकारी दिए।
परीक्षार्थीको विवरण यसप्रकार छ:
• साधारण धार
• नियमित: ६९,५०६ जना
• ग्रेड वृद्धि: ८,४५१ जना
• प्राविधिक धार
• नियमित: २,७११ जना
• ग्रेड वृद्धि: २६६ जना
• खुला परीक्षार्थी
• नियमित: ३९६ जना
• ग्रेड वृद्धि: ३० जना
निर्देशक पोखरेलका अनुसार नीति र विधि अनुरूप निष्पक्ष र पारदर्शी परीक्षा प्रणालीको विकास गरिएको छ।
परीक्षालाई मर्यादित बनाउन स्थानीय प्रशासन, प्रहरी, शिक्षक, अभिभावक लगायत सबै पक्ष सक्रिय छन्।
एसईई परीक्षामा सहभागी सम्पूर्ण विद्यार्थीहरूलाई सफलता र उज्ज्वल भविष्यको शुभकामना!
