- फाइल तस्बिर
विराटनगर/ मोरङको धनपालथान गाउँपालिकामा आगलागी हुँदा जलेर दुई बालबालिकाको मृत्यु भएको छ।
मंगलबार (आज)दिउँसो धनपालथान–६, कदमा गाउँमा सुरु भएको आगलागीले अहिलेसम्म ८ घर जलेर नष्ट भइसकेको छ।
स्थानीयलाई उद्धृत गर्दै प्रहरीले दिएको जानकारीअनुसार जलेर मृत्यु हुने बालबालिकाको परिचय खुल्न सकेको छैन।
मोरङ प्रहरीका प्रवक्ता वेदप्रकाश जोशीका अनुसार चर्को घाम र हावाहुरीका कारण आगो नियन्त्रणमा समस्या भइरहेको छ।
स्थानीय बासिन्दा, सुरक्षाकर्मी र दमकलको सहयोगमा आगो निभाउने प्रयास जारी रहेको प्रहरीले जनाएको छ।
