_1693980289.gif "#")
धरान/ सुच्चा राई कल्याणकारी समाजले आफ्नो २५औं स्थापना दिवसको अवसरमा रक्तदान तथा सम्मान कार्यक्रम सम्पन्न गरेको छ।
शनिबार धरान बजारस्थित लोकतान्त्रिक चौतारीमा आयोजित कार्यक्रममा १६२ पिन्ट रगत संकलन गरिएको छ।
कार्यक्रममा समाजका सल्लाहकार ढुण्डिराज सुच्चा राईको सभाध्यक्षता रहेको थियो।
प्रमुख अतिथिका रूपमा कोशी प्रदेश योजना आयोगका सदस्य माननीय किशोर थुलुङ उपस्थित थिए भने विशेष अतिथिका रूपमा अग्रज पत्रकार तथा युवा नेता भिमज्वाला राई, धरान वडा प्रहरी कार्यालयका प्रमुख रुद्र खड्का लगायत समाजसेवीहरूको उपस्थिति रहेको थियो।
कार्यक्रममा जेष्ठ नागरिक तथा समाजमा विशिष्ट योगदान दिने व्यक्तित्वहरूलाई सम्मान गरिएको थियो।
वक्ताहरूले समाजसेवाको महत्व र रक्तदानजस्तो पुण्य कार्यले मानव जीवनमा पुर्याउने सकारात्मक प्रभावबारे चर्चा गरेका थिए।
सुच्चा कल्याणकारी समाजले विगत २५ वर्षदेखि विभिन्न सामाजिक कार्यहरू गर्दै आइरहेको छ।
समाजले गरिब तथा विपन्न वर्गका लागि सहयोग, स्वास्थ्य शिविर तथा शिक्षा अभियान जस्ता कार्यक्रम सञ्चालन गर्दै आएको छ।
कार्यक्रमको अन्त्यमा समाजका अध्यक्षले रक्तदान तथा सम्मान कार्यक्रमलाई सफल बनाइदिएकोमा सम्पूर्ण दाताहरू, स्वयंसेवकहरू तथा सहभागीहरूप्रति धन्यवाद व्यक्त गरे।
_Poush 22_1736170149.jpg "#")
_1734253975.jpg "#")
