प्रथम कोशी प्रदेश खेलकुद महोत्सव: प्रदेशस्तरीय कबड्डीको उपाधि मोरङलाई

  • फागुन १५, २०८१
  • कोशीपत्र/संवाददाता
alt

विराटनगर/  कोशी प्रदेश खेलकुद विकास बोर्डको आयोजनामा जारी प्रथम कोशी प्रदेश खेलकुद महोत्सव २०८१ को दोस्रो दिन प्रदेशस्तरीय पुरुष कबड्डी प्रतियोगिताको उपाधि मोरङ जिल्ला टोलीले हात पारेको छ ।

बुधबार विराटनगरस्थित दिल्ली पब्लिक स्कूलको मैदानमा झापा जिल्ला टोलीलाई पराजित गर्दै मोरङले उपाधि हात पारेको हो ।

मोरङले झापाको २० अंकविरुद्ध ३१ अंक हासिल गर्दै प्रतियोगिताको उपाधि आफ्नो पक्षमा पारेको हो। कोशी प्रदेशका १३ टिमको सहभागिता रहेको प्रतियोगितामा मोरङले उपाधिसँगै ट्रफी, मेडल र एक लाख नगद पुरस्कार प्राप्त गरेको छ भने झापाले उपविजेताको ट्रफी , मेडल र ५० हजार नगद पुरस्कारमा चित्त बुझाएको छ।

प्रथम कोशी खेलकुद महोत्सव २०८१ अन्तर्गतको प्रदेशस्तरीय महिला फुटबल प्रतियोगितामा झापा, मोरङ, सुनसरी र धनकुटाको जिल्ला टोली विजयी भएको छ ।

वुधबार दिल्ली पब्लिक स्कूलको मैदानमा सम्पन्न प्रथम खेलमा तेह्रथुम जिल्ला टोलीलाई शून्यविरूद्ध ६ गोल गर्दै झापा विजयी भएको हो।झापाको जितमा जेनिफर मगरले २, सिम्रन राई, मंजिला योङ्गहाङ्ग, रेणु लिम्बू र खुस्मा राईले एक–एक गोल गरेका थिए ।त्यस्तै, आजको दोस्रो खेलमा खोटाङलाई शून्यविरूद्ध १ गोल गर्दै मोरङ विजयी भएको थियो ।

मोरङको लागि रेसना राईले खेलको १५ औं मिनेटमा निर्णायक गोल गरे ।वुधबारको तेस्रो खेलमा सुनसरीले सोलुखुम्बुलाई ३–० गोल अन्तरले पराजित गर्दै खेल आफ्नो पक्षमा पारेको थियो । सुनसरीको लागि जुनु लिम्बूले २ र सुमित्रा राईले १ गोल गरे ।चौथो खेलमा ओखलढुङ्गाविरूद्ध अन्तिम समयमा गोल गर्दै धनकुटाले खेल आफ्नो पक्षमा पारेको थियो । धनकुटाका लागि खेलको अन्तिम समयमा (वुमन अफ द म्याच) अनिशा राईले गोल गर्दै धनकुटालाई विजयी बनाए ।

कोशी प्रदेश खेलकुद विकास बोर्डका सदस्य सचिव कृष्ण बस्नेत (पर्शुराम)ले फागुन १३ देखि १८ गते सम्म चल्ने खेलकुद महोत्सवमा हालसम्म एथलेटिक्सका स्पर्धाहरू, डोरीतान र पुरुष कबड्डी प्रतियोगिता सम्पन्न भइसकेको जानकारी दिए ।

महोत्सवमा प्रदेशस्तरीय महिला फुटबल, महिला तथा पुरुष दौड, पुरुष कब्बड्डी, भेट्रान बाघचाल, महिला तथा पुरुष टेबलटेनिस, महिला तथा पुरुष बुद्धिचाल, महिला तथा पुरुष कराते, महिला तथा पुरुष तेक्वान्दो र पुरुष सफ्टटेनिस र डोरीतान लगायतको खेलकुद प्रतियोगिता समावेश छन् ।

आन्दोलनरत शिक्षक र स ...

काठमाडौं । गृहमन्त्री रमेश लेखकले विद्यालय शिक्षा विधेय ...

आर्थिक समृद्धिमा ध्य ...

देश होस् वा परिवार, समृद्धिका लागि आवश्यक प्रमुख विषय आ ...

एसइई दिएर बसेका विद् ...

धरान/ एसईई दिएर बसेका विद्यार्थीहरुको लागि अहिले ख ...

सागुरीगढीमा प्राकृति ...

धरान/ कोशी प्रदेशकै पर्यटकीय क्षेत्र सागुरीगढी गाउ ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८५-२०४७१२३

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: रणध्वज लोहार / प्रबन्ध निर्देशक: योगेशबाबु काफ्ले / संबादाता: फणीन्द्र तिम्सिना

Copyright © 2019 / 2025 - Koshipatra.com All rights reserved