_1693980289.gif "#")
काठमाडौं/आज देशभर महाशिवरात्रि पर्व विशेष उत्साहका साथ मनाइँदैछ।
पशुपतिनाथ मन्दिरमा मध्यरातदेखि नै भक्तजनहरूको भीड लाग्न थालेको छ। पशुपति क्षेत्र विकास कोषका अनुसार, यस वर्ष करिब पाँच लाख भक्तजनले पशुपतिनाथको दर्शन गर्ने अनुमान गरिएको छ।
मन्दिरका चारै ढोका बिहान २ बजेदेखि नै खोलिएको छ भने सुरक्षा व्यवस्था कडा पारिएको छ। नेपाल प्रहरी, सशस्त्र प्रहरी तथा नेपाली सेनाका सयौं सुरक्षाकर्मी खटाइएका छन्।
महाशिवरात्रिको अवसरमा देशभरका शिवालयहरूमा विशेष पूजा, आराधना, जागरण तथा सांस्कृतिक कार्यक्रमहरू आयोजना गरिएको छ। भक्तजनहरू व्रत बसी शिव उपासना गरिरहेका छन्
पशुपति क्षेत्रमा हजारौं साधु-सन्तहरूको आगमन भएको छ।
यसै अवसरमा काठमाडौंको एलओडी र पोखराको हलनचोकमा १८औं महाशिवरात्रि विश्वसंगीत महोत्सव २०२५ आयोजना हुँदैछ। महोत्सवमा विभिन्न गायक-गायिका तथा ब्याण्डहरूले प्रस्तुति दिनेछन्।
नेपाल टेलिभिजनले महाशिवरात्रि विशेष कार्यक्रमको प्रत्यक्ष प्रसारण गरिरहेको छ, जसले घरमै बसेर भक्तजनहरूलाई कार्यक्रम हेर्न सक्ने सुविधा प्रदान गरेको छ।
महाशिवरात्रिले धार्मिक सहिष्णुता र सांस्कृतिक एकताको सन्देश प्रवाह गर्ने विश्वास गरिन्छ।
